Información sobre actividades impulsadas dende BenComún.
Unha axenda con tódolos cursos, xornadas, obradoiros, concertos, proxeccións… Calquera actividade que se vaia realizar no noso local, ou aqueloutras en cuxa organización BenComún Espazo estea involucrado, aparecerán nesta sección.

Feb
23
Sáb
2019
Sherlock Jr. Caspervek Cine mudo con música en directo
Feb 23 @ 21:00 – 22:00
Sherlock Jr. Caspervek Cine mudo con música en directo @ BenComún Espazo

Sherlock Jr., de Buster Keaton, será a 1ª película proxectada deste novo Ciclo de Cine e Música en Directo con Caspervek.
Lembrade que as proxeccións realizaranse no local de BenComún Espazo (Praza Torre Lombarda, 1 Baixo, Allariz).

Keaton é un proxeccionista de cine que soña con ser un detective. Milagrosamente, atópase dentro da película que está a proxectar. Alí tentará salvar a súa amada das gadoupas do vilán. Unha das máis aclamadas cintas de cinema mudo, chea de gags visuais e cun portentoso Buster Keaton.

Xa podedes mercar ou recoller o voso abono na Fundación Vicente Risco (sábados e domingos de 12h a 14h) ou en BenComún (luns a venres de 9h a 14h e de 16h a 18h).

Prezo dos abonos:
1.- Amigos/Mecenas da Fundación Vicente Risco, amigos de BenComún Espazo e socios de Vía Vella de Ponte Canedo: 40,00 €
(Para ser Amigos/Mecenas da Fundación Vicente Risco só tendes que facilitar os vosos datos: nome, nif e endezo fiscal. Un teléfono de contacto. Un correo electrónico no que vos comunicar as actividades da Fundación).
2.- Público en xeral: 50,00 €
3.- Entradas soltas: 15,00 €

Películas do IV Ciclo:
– 23 febreiro: “Sherlock Junior”
– 11 maio: “Robin Hood”
– 5 outubro: “O home da cámara”
– 16 novembro: “Häxan. A bruxaría a través do tempo”.