o Xa hai data para a solicitude do Kit Dixital para as persoas autónomas e as microempresas de entre 0 e menos de tres empregadas. A terceira convocatoria do programa abre o vindeiro xoves 20 de outubro con axudas de ata 2.000€ para a mellora da dixitalización de autónomas e micropemes.
A convocatoria ábrese o día 20 de outubro e estará aberta durante un ano, ata que se esgote o orzamento.
Que axudas ofrece o Kit Dixital?
O bono dixital de ata 2.000€ pode solicitarse para categorías como:
- Sitio web e presenza básica na rede (máximo 2.000€).
- Comercio electrónico (máximo 2.000€).
- Xestión de redes sociais (máximo 2.000€).
- Xestión de clientes (máximo 2.000€).
- Business Intelligence e Analítica (máximo 1.500€).
- Xestión de procesos (máximo 2.000€).
- Facturación electrónica (máximo 1.000€).
- Presenza avanzada en Internet (máximo 2.000€).
Dende o Espazo BenComún podemos informarvos sobre o Kit Dixital e asesoravos para o desenvolvemento dos traballos nos que esteades interesadas. Apoiarémonos nas profesionais vinculadas co Espazo BenComún.