BenComún Espazo
O Espazo BenComún é moito máis ca un local de coworking, moito máis ca unha comunidade de traballo colaborativo, moito máis ca un punto de encontro para a creatividade ás beiras do Arnoia, no centro de Allariz. É moito máis ca iso, pero tamén é todo iso.
No Espazo BenComún tes á túa disposición 300 m2 de superficie distribuídos nunha sala diáfana con mesas de traballo individuais, unha sala de reunións e un estudio fotográfico. No noso local da praza da Torre Lombarda, amais de vistas sobre a ribeira do río e os cumes da reserva natural da biosfera, contamos con internet de alta velocidade (350 Mb de descarga), Wi-Fi, liña telefónica, calefacción, zona de descanso e office, zona de carga para vehículos eléctricos e unha terraza moi luminosa.
BenComún nace da mesma iniciativa empresarial que creou a libraría Aira das Letras e a editorial Aira, ambas en Allariz, e da firma de deseño e obxectos bonitos Punto e Coma, con tendas en Ourense e Carballo. Esa vontade compartida de converter Allariz en vila do libro, do deseño, da ilustración -en definitiva, en capital da creatividade- transmítese no ADN do noso espazo. Na nosa comunidade xa participan destacados profesionais das novas tecnoloxías e das artes e oficios visuais, con especialización no traballo editorial e na creación de obxectos.
Incorpórate a BenComún e benefíciate como profesional dos nosos servizos engadidos: impresión en 3D, reprografía, fotografía profesional, creación e xestión de web e app,s para o teu negocio, asesoría laboral, fiscal e contable e formación continuada nunha ampla área de materias.
Servizos
Internet de alta velocidade
350 Mb de descarga dan para mooooito!
Impresión 3D
Servizo de impresión 3D integrado con equipo informático de última xeración.
Que hai de novo en BenComún?
Gótico de Sandiás, Sta. Mariña de Augas Santas e Armea
Gótico de Sandiás, Sta. Mariña de Augas Santas e Armea Un itinerario cultural e patrimonial para descubrir puntos clave do… Ler Máis
VII Poemagosto. Festival Internacional de Poesía en Allariz
Aquí tendes toda a información deste VII Poemagosto. Festival Internacional de Poesía en Allariz. Lembrade que a entrada é de balde… Ler Máis
O gabinete do Doutor Caligari con Caspervek
Comezamos con este clásico a nova edición do Ciclo de Cine Mudo e Música en Directo Caspervek organizado pola Fundación… Ler Máis
Algúns Coworkeir@s en BenComún
Miguel Mosquera
Formeime na Escola de Arte Antonio Faílde.
Fundei en Allariz Impresión Arte, un estudo gráfico e imprenta.
A miña paixón pola obra gráfica levoume a crear, na mesma vila, a Galería Circular, unha pequena galería de arte.
Actualmente inmerso no proxecto Punto e Coma, co que, ademais de contar coas librarías de Ourense e Carballo, demos o salto ó sector do deseño e a ilustración.
Carlos Airas Cota
Licenciado en Ciencias da Actividade Física e do Deporte.
Cofundador das libarías Aira das Letras e Punto e Coma e de Aira editorial e promotor do BenComún Espazo.
Especialista en consultoría para empresas e autónomos nas áreas de exploración de novos negocios, expansión comercial e análise de riscos, principalmente no sector deportivo e cultural.