Galería Circular nace como un novo espazo para a exhibición e promoción da obra gráfica, deseño e libro de artista. Arte para o amante e coleccionista de arte.
Dispoñemos dun importante catálogo de obra gráfica contemporánea, dende artistas consagrados a emerxentes.

Ofrecemos a nosa experiencia a profesionais do interiorismo. Gústanos traballar con equipos creativos.
Convidámosvos a coñecer o fascinante e máxico mundo da Obra Gráfica. Inicia a túa propia colección, elixe e inviste nun valor rendible.

Galería Circular mantén, ademais, unha oferta continuada de obradoiros de temática artística, especialmente para público infantil.

galeriacircular.com
facebook.com/galeriacircular

Pouvelle é un colectivo artístico multidisciplinar afincado en Allariz (Ourense) e formado por Blanca Font (licenciada en Comunicación Audiovisual) e David Segade (graduado en Ilustración).

Debido á súa formación e campos de experiencia, ofrecen ofrecer un amplo abanico de servizos. O seu traballo inclúe muralismo, ilustración, deseño gráfico, dirección de arte e fotografía. Cun estilo definido e con carácter, encárganse de buscar a solución estética máis adecuada ó produto ou formato sobre o que traballan.

pouvelle.com
Instagram: @pouvelle_studio


A actividade de Xeitura – Xestión Integral do Patrimonio Cultural relaciónase cos Servizos Culturais e de Ocio, especialmente centrados nos ámbitos do Turismo, o Patrimonio e o Desenvolvemento local. Ofrece servizos dirixidos a un heteroxéneo e amplo abano de clientes, dende a administración pública ou entidades sen ánimo de lucro e fundacións ata empresas, entidades privadas ou particulares.

Atendendo ás tres grandes áreas de actuación aceptadas na Xestión Patrimonial, ofrecen un amplo catálogo de servizos, que abranguen dende a Xestión básica (Investigación e Protección) ata a Xestión aplicada (Difusión).

http://xeitura.com
facebook.com/Xeitura