Máis que un bar tapería, Fío de Liño é un espazo de lecer pensado especialmente para gozar da gastronomía e a cultura, situado na marabillosa vila de Allariz.

A nosa carta pretende reflectir unha filosofía de vida a través do compromiso co consumo responsable e a preservación dos recursos naturais, preservando os valores positivos do espazo rural, apostando pola agricultura e gandería ecolóxica. Os nosos produtos teñen que ser o resultado dun modo de vida que se transforma pero que sabe utilizar as súas bases tradicionais respectando o medio, o desenvolvemento sostible e endóxeno e a produción artesanal. En definitiva, unha alimentación baseada no respecto pola persoa e a contorna do medio.

Tel. 629 448 652
www.facebook.com/FioAllariz

A Fábrica de Vilanova é un proxecto que botou a andar en 2004 co obxectivo de facer dunha profesión ás veces dura unha forma de vida. Partíamos dun feixe de ilusións e dunha certa experiencia neste oficio, o que se aliou cun contorno privilexiado e un edificio con historia e personalidade: unha antiga fábrica de curtidos do século XVII, á sombra dunha ponte románica sobre o Arnoia, onde hai séculos montaban garda os cabaleiros templarios.

A aventura na que nos mergullabamos demandaba grandes doses de entusiasmo e non pouco esforzo que ofrecían, a cambio, a libertade de poñer a proba con cada innovación na carta a nosa creatividade ó servizo dunha clientela que cada vez ten máis claro o que quere e por que. Por iso apostamos por unha cociña que tenta combinar os produtos de tempada cun estilo contemporáneo que fai que non se poida falar dunha senón de varias cartas de A Fábrica de Vilanova.

www.afabricadevilanova.com


O restaurante e hotel Alarico naceu en 1990. Un negocio familiar baseado na profesionalidade e nun excelente e coidado trato ó cliente.
O nome da rúa onde está situado (Rúa Alarico) non é algo azaroso, senón un recoñecemento ó traballo continuado de dúas xeracións na hostalaría alaricana e á iniciativa de salientar o seu compromiso con esta vila poñéndolle o nome de Alarico.

www.hostalalarico.com | info@hostalalarico.com
facebook.com/hostalalarico/